Есептілік

8 ай бойынша атқарылған жұмыстар туралы ақпарат

«Орал қаласының Желаев селолық округі әкімінің аппараты» ММ-нің

9 айда атқарылған жұмыстар есебі.

 

Әлеуметтік қамсыздандыру және халыққа қызмет көрсету:

 

Желаев селолық округі әкімі аппаратымен «Жеке қосалқы шаруашылықтың бар екендігі туралы анықтама беру» мемлекеттік қызметі көрсетіледі.

Мемлекеттік қызметтің нақты бекітілген 1 стандарты мен 1 регламенті бар. Олар: Қазақстан Республикасының Ауыл шаруашылығы министрлігінің 2015 жылғы 28 сәуірдегі №3-2/378 стандарты және Батыс Қазақстан облысы әкімінің 2015 жылғы 21 шілдедегі №180 қаулысымен бекітілген регламенті. Бүгінгі күнге дейін 17 адамға мемлекеттік қызмет көрсетілді. Барлық қызметті алушылар көрсетілген мемлекеттік қызметке «жақсы» деген баға берді.

Ағымдағы жылдың 4 мамыр айында мемлекеттік көрсетілетін қызметке жария талқылаулар өткізіліп, түсінік жұмыстары жүргізілді. 

Сондай-ақ, 7 отбасыға мемлекеттік атаулы әлеуметтік көмек көрсетілсе, 4 отбасыға біржолғы материалдық көмек тағайындалды.

          Желаев селолық округі әкімінің атына 2018 жылдан басынан бастап жеке және заңды тұлғалардан жазбаша түрде 20 өтініш түсіп, 4 азамат әкімнің жеке қабылдауында болды. Өтініштер «Жеке және заңды тұлғалардың өтініштерін қарау тәртібі туралы» Заңына сәйкес қаралып, тиісті шаралар қабылданып немесе құзырлы органдарға уақытылы жолданды.

 

 Мәдени-бұқаралық және ағарту іс шаралары:

 

1 наурыз Алғыс айту күні мерекесіне орай Желаев селолық округінің мектептен тыс жұмыс орталығында және №14 ЖОББМ-де тәрбие сағаттары жүргізіліп, мерекелік шаралар ұйымдастырылды.

8 наурыз «Халықаралық әйелдер күніне орай» Желаев селолық округінің мектептен тыс жұмыс орталығында «Ардақты ана» атты дөңгелек үстел ұйымдастырылып, көпбалалы, жалғызбасты аналарға арнап дастархан жайылып, сыйлықтар табысталды.

22 наурыз Ұлыстың Ұлы күні Наурыз күні мерекесін кең көлемде атап өту мақсатында, тұрғындардың, округ аумағында мекемелердің қатысуымен «Қош келдің, Наурыз» атты мерекелік шарасы ұйымдастырылды. Мерекелік шара қазақ халқының салт-дәстүрін, мәдениетін жаңғыртып, қастерлейтін күн ретінде ұйымдастырылып, ұлттық тағамдарға арналған мол дастархан жайылып, киіз үй тігіліп, қазақтың ұлттық спорттық ойындарынан жарыстар ұйымдастырылды.

9 мамыр Ұлы Жеңіс күні мерекесіне орай тыл ардагерлеріне құрмет көрсету мақсатында  мектеп оқушылары мен ұстаздар парадқа шығып, округ әкімдігі ғимараты алдында мерекелік концерт ұйымдастырылды. «Солдат ботқасы» деген атаумен мерекелік дастархан әзірленіп, 25 тыл ардагерлеріне округ аумағындағы кәсіпкерлердің қолдауымен азық-түлік салынған себет ұсынылды.

 

           Округтың коммуналдық шаруашылығы және абаттандыру:

 

Жергілікті өзін-өзі басқаруды жүзеге асыру мақсатында және «100 нақты қадам» ұлт жоспарын орындау мақсатында төртінші деңгейлі бюджет енгізілуіне байланысты конкурстар өткізіліп, жол-көпір шаруашылығын қамтамасыз ету үшін «Кожабекович» ЖК-мен және көше жарығын жөндеу, қамтамасыз ету үшін «Жайық жарығы» ЖШС-мен келісімшарттар жасалды.

  Көктемгі кезеңде төтенше жағдайлардың (су басу, автобустардың және басқа да көліктердің кедергісіз жүруін қамтамасыз ету) алдын алу мақсатында 2018 жылдың көктемінде 1500 текше метр қар шығарылды, 1000 текше метр еріген қар суы сорылды.

2018 жылдың шілде айында Агрегатная және Трудовая көшесінің Железнодорожная көшесімен қиылысында ұзындығы 500 метр шебін төсеу жұмыстары жүргізілді.

Тамыз-қыркүйек айларында Кленовая, Железнодорожная, Агрегатная көшелері бойында жалпы ұзындығы 353 метр жаяу жүргінші жолы салынды. Округ аумағындағы жаяу жүргінші жолының жалпы ұзындығы 3241 метрді құрайды.

Ағымдағы жылдың  қазан-қараша айларында округ аумағында қоқыс қалдықтарын салуға арналған контейнерлерді ауыстыру жұмыстары  жоспарланып отыр.